大家無眼花, 我今日已經去左biotherm度買左full set SKIN VIVO 啦!! 哈哈, 當然支serum就無買啦! 因為上次去發佈會有支貨裝size送左比我嘛!話說我27號下午出席完發佈會, 晚上已經急不及待咁開左黎試, 佢果句sologan真係深得我心, 哈哈 =P 夜晚用完係冷氣房訓醒一覺, 第二朝起身摸下塊面先, 吸收曬唔會油woo!
不過最令我心思思想買係因為biotherm寄左coupon比我呢d會員囉=P 買$1000減$150呀!!! 仲要只限28/8-31/8用, 咁今日放工咪上FACES專櫃再試下兼拎個SKIN VIVO day cream sample!
今次又比我遇到個好nice既trainee櫃姐, 佢當然唔知我之前參加過發佈會啦~ 佢好有耐性同我遂一試同講解, 原來支美肌水用前要先搖晃, 同埋個按摩手法我睇同佢教係有少少唔同, 我誤會係向下拉, 其實係遂下輕按=P 同埋奶味係想比大家有d似baby skin既感覺!同埋一方面我又想有4大功效(緊緻, 減幼紋, 收毛孔, 平滑), 又想用埋我而家開左美白同保濕護膚品, 就去問下櫃姐點分配好先~ 佢提議日間用完美肌水+精華後, 可以用返我自己既美白精華+保濕gel, 夜晚就用回全套SKIN VIVO!
其實83年出生既Shannan Click都對我有一定既吸引(雖然我唔知佢係邊個~_~), 因為一向外國女生會比東方女生"顯老", 我又唔覺佢比真實年紀大, 所以我都係80年代前期既女生, 希望一個月後有後生十年既皮膚啦!!!3支加起來原價$1140, 用了$150 coupon, 多謝$990! 印花也剛好20個, 12月可以換東西了!! ^^
Biotherm呢招拋磚引玉時間較得岩岩好! 如果我唔去發佈會我就唔會有sample試, 然後返屋企又有coupon引誘去敗家, 如果唔係有支貨size既精華, 我又未必走去買齊一套, 哈哈~~~ So, thank you Biotherm & Meling again!
伸延閱讀: Biotherm SKIN VIVO part 1 發佈會
在發佈會開始前有個"估指紋"的小遊戲, 雖然我估錯了, 但我都有一個香噴噴的蠟燭(圖左前)作安慰, 我非常喜歡這個橙色雀仔系列的香味!! 有點似橙皮+西柚+木味, 好清新又有活力!! 哈哈, 不過我係屋企就唔方便點, 因為我驚我個八掛pop仔燒親~~ XP 另外估中既朋友就會有一支香水, 沐浴露同埋body cream啦!! 好羨慕呢~~
之後入戲院我們欣賞了介紹SKIN VIVO 既3D動畫, 聽取養和醫院馬醫生的分析, 廖碧兒and Jocelyn親身體驗後的分享, 然後就自己係位度試下d samples, 我同其他箱友(蘋果箱的朋友=P)都覺得SKIN VIVO隻香味有點古怪.....似咩又講唔出, 後尾司儀話係花味+奶味?!?! 我都有點愕然.......哈哈, 不過香味都係次要, 有效先最緊要嘛!
我今晚就開始試用全套, 我配合埋<2-step活躍更生按摩法>, 哈哈, 訓醒再話你地知有咩感覺!
左邊的是滾珠式的EXOTIC GARDEN; 右邊的是噴咀式的GOLDEN STAR
左邊是新裝, 右邊是我原有的一支. 2支都有"QUICK DRY FORMULA", 只是新版用了"GLAMOUR COLLECTION"作蓋上的貼紙啦!
跟住到噴咀式的GOLDEN STAR, FA出既最新氣味, 也有滾珠式啦!
淡淡的茉莉花香, 唔會有刺鼻反應, 讚! ! ! 