新玩具!

一直其實都想換左而家部SE手機, 因為都用左2年幾, 開始壞壞地出怪獸字, 一路都睇返SE既機, 點知個SALES話我睇果兩部G900, C902都唔好, 好渣, 我再睇E71, 但我D手甲係禁唔到D制, 咁就睇呢部E66, 其實部機對我黎講有D複雜, 再加上我從未用過NOKIA既手機, 我連佢個鬧鐘會重響幾多次, 可以教幾多個都唔知....... 不過我鍾意佢個白色樣 XD

因為一部手機既鬧鐘對我黎講好重要! 因為我太易懶床了 XPP
希望聽朝我知醒返工啦 ^^

要慢慢開始戒夜晚食野, 暫定9點半之後唔再食野, 因為尋日影相塊面太肥了 @_@ 仲有每晚都要早點上床睡覺啦! 我唔想有熊貓眼 @_@

Aoyama 27/9

Great night w/ Aoyama Thelma!

5年大運

終於係公司搵到個人知道AOYAMA係邊個啦! JEAN仲可以哼返2句<留在我身邊>!識貨! XDD

今日拎住張飛問阿姐我明天可唔可以補鐘早走, 開心除左係可以早走去聽concert外, 其實我抽中既喜悅係比我有得睇為大=P 我咁大個都未試過抽中過獎, 而買六合彩可以買24個字但一個都唔中, 但往往我又好旺我身邊既人, 有時命運就係咁奇怪 XD 因為我尋日去環球唱片拎飛時, 有個男人拎左2,3張換票証同個職員講唔記得邊張中, 我又覺得我自己好LUCKY, 買一張都中, 嘻嘻~

聽日同場仲有IVANA, 可惜我對佢既歌聲無興趣, 630入場其實都可以避開少少睇佢既人既, 我諗TST搭巴士去九展都唔會好耐既~ 上網再CHECK清楚先, 我唔想又蕩失路......>.<

今日有同事買左本蘇民峰牛年運程返黎睇, 下年屬狗犯刑太歲, 我地間舖有6隻狗, 仲要3代同堂果種, 我不停同佢地講我地快D每人買4棵植物放東南位擋擋是非, 然後又話要蛇型飾物化解, 然後我同佢地講.....咁我日日咩住個蛇皮手袋SELL客再擋剎 XDD

聽聞2010開始屬狗既朋友有5年大運行, 不過其實我咁大個人都未試過批命呀, 塔羅牌之類既野, 我一向順其自然既~ 不過有5年大運既話, 我都要好好地諗下各方面既目標.

亞洲電影節有幾套日, 台片我都想睇....可惜我10月個ROSTER仲未出, 好難就時間去睇......希望最少會睇到一套啦~

23 sept

• 下午在舖頭不停留意路面情況, 好大風不過細雨, 海防道棵樹又被人砍斷樹幹了......
• 等到6點終於掛起8號, 架火車好似搭地鐵咁迫人, 大家都在趕回家
• 見有時間便走去買料煲湯, 煲多1個鐘頭時間就飲得XD
• 看來我一定要25號到APM取票了.....
• 明天不能去跳舞, 有點失望.
• 屋企既窗全部關上, 因為出面十分大風, 由14樓望落樓下, 樹木吹到搖搖晃晃, 發出彭彭聲....
• remember +ve & smile ^^

TRUST ME

今日下午, 同事們講起地鐵站已經貼了AYU既低胸海報, 即是香港有貨啦~ 哈哈, 放工走上去試下有幾可信先~ 不過而家有得賣果種唔係AYU身上既款, 可能原理一樣, 不過我買左既係LACE版呱~ XDDD .......我只可以話個SHAPE唔錯, 舒服同埋有好WOWOWOO既效果. =P

有海報送, 返屋企打開有成23吋半X33吋, 哈哈, 我有2SET喔~ TRUST ME XDDDDD

致命傷

昨晚和失戀的AM談電話至4時, 因為下午女友搬失了放在他家裡的東西, 他晚上回家看到這轉變就是感到失落, 我整晚就是聽他說話.

分手的主要原因都是"結婚"這問題, 男的知道他要結婚便要放棄現在擁有的, 所以他想用盡這2年玩夠本, 男不想為了"家"而將來後悔; 女的感到和他已經一起3年, 缺少承諾令她感到她們不會有將來, 而家人又給她壓力. 陪佢傾左成晚, 做朋友我當然明白他的想法, 以女人角度我都明白她的無奈與不安.

查對方的SMS & EMAIL, 迫婚, 缺少溝通, 往往都是情侶們分手的致命傷.

傻瓜, 選擇追唔追決定權在你自己手上, 想清楚再決定吧!

傻瓜

其實他做的壞事我們都懂　沒有什麼不同眼光閃爍　
曖昧流動　閉上眼當作聽說 其實別人的招數我們都懂　

沒有什麼不同　故作軟弱　撒嬌害羞　
只是有一點彆扭　

傻瓜也許單純得多　愛得沒那麼做作　
愛上了我不保留

傻瓜　我們都一樣　
被愛情傷了又傷　相信這個他不一樣　
卻又再一次受傷　

傻瓜　我們都一樣　
受了傷卻不投降　相信付出會有代價　
代價只是一句傻瓜

What woman says...

下午在家翻看已被我private的2006年舊日記, 尋回了一些失落的回憶, 一些人和事.

有一篇想在這邊都分享一下, 雖然唔係我寫, 但有些點講得不錯的!


熱戀男女同居101協議
2006-09-29 更新

熱戀男女都是盲目的。
初初相識，大家都覺得「無所謂啦！」「你鍾意啦！」「讓我來遷就你！」然而「相處好，同住難」，漸漸發現「就得一時唔就得一世」乃是同居的死症。所以，有心想過同居生活的熱戀男女，不妨先參考以下「101 條同居協議」。

筆者的同居生活，今年踏入第七個年頭。

女友是個極度需要空間（無論是個人空間或是實際空間）的藝術家，而我卻是個不甘寂寞的儲物狂……
她想要一個 Home Office，而我想要一個 Home Theatre…
她喜歡請朋友返屋企坐，我比較喜歡過二人世界…
她鍾意聽 Buddha Bar 那類 club music，我喜歡聽衛蘭唱《十個他不如一個你》…
似乎只有牙尖嘴利、不服氣、不認輸，是我們的共通點。
經過了一段日子的生活智慧＋實戰體驗＋誠意搭夠，現在二人四貓同一屋簷下的生活，算得上風平浪靜；間中濺起的浪花，反而成為情趣。
這篇「熱戀男女同居 101 式」，情商了女友仗義執筆，從同居男女的不同角度，列出同居 101 宣言，讓大家 happily living ever after！

What Woman Says:
1.不得在對方日間工作時間（home office）播放驚慄片、令對方極度討厭、反感的音樂影響對方的工作情緒。
2.但凡過大、過激、過分刺眼的掛牆飾物和傢俬，最好盡量減少或避免。
3.習慣有手尾，如垃圾不要亂放，或隨便丟出大門，有礙觀瞻。
4.兩人一同工作時盡量把不必要及多餘的聲浪如電話鈴聲減低。
5.了解對方的喜好，切忌擺放對方害怕的東西在屋內，以免發生無謂的爭吵及恐慌。
6.擺放用完的物品要妥當，盡量為對方方便安全而設想，如鋒利的餐刀要倒放、玻璃碗碟要安全疊穩，免生意外。
7.每星期例行家居清潔，各自負責清潔項目。
8.女的不怕爬梯踏高抹扇，男的也不應介意清潔貓咪廁所。
9.男的如廁後緊記把坐廁板及廁蓋放下。
10.要每天更換內褲（指男友）。
11.有朋友探訪，另一半要保持親切笑容及有講有笑。
12.兩人有權擁有私人物品、空間、時間，並且要互相尊重。
13.兩人要互相關懷對方生活以外的事情，不能收埋自己。
14.要多建立二人世界以外的社交圈子。
15.學習享受二人相處的寧靜一面。
16.在家時多跟貓咪玩耍，少跟對方說無聊話。
17.最好大家都有兩呎半的睡眠空間。
18.請學習認識與貓相處，不得強貓所難，愚弄貓咪為己樂。
19.睡房常備洋燭，不時搞搞情調，保持浪漫拍拖的氣氛。
20.不能說太多「我愛你」，也不能少說「我愛你」，要剛剛好。
21.不要過分依賴對方，也要適當的依靠對方。
22.同居不是佔有，要給對方有自己的私人時間及思想空間。
23.緊記不要過分認真吵嘴，免傷感情。
24.忌翻舊賬，解決問題，要一件事還一件事，發晦氣，只會愈演愈烈。
25.客廳最好有張沙發床，又叫「冷宮寢」，用來過冷河。
26.保持「我愛你」的新鮮感，多為同居伴侶搞點新創意。
27.同居不是婚前習慣，也不是拍拖完結篇，需要保持一定程度的興奮和浪漫情懷，不能預支婚後怠懶的惡習，如少來「你鍾意啦！」、「是但啦！」這些毫不積極的態度。
28.鼓勵對方實踐理想，一同向前走，各自在事業上爭取更好的成就。
29.事業型的女友要有作息時間，少對電腦，多對愛人。
30.嘴角常掛著甜美的笑容。
31.多說幽默的笑話，但一定要好笑。
32.一同參與小習作，如焗蛋糕、家具 DIY、甚至寫交換日記，享受一同歡笑投入的時間。
33.不要太早放棄，凡事得來不易，要加倍珍惜。
34.要常常記起初相識的好，吵架時記得喜歡另一半的原因，能降溫。
35.適當的小別，有助增進感情。
36.多為對方花心思，這是一種生活趣味。
37.男的偶然下廚，女的偶然陪坐打機，是同居生活的趣味。
38.男的就算甚麼都不懂，也至少要懂得用心說句「我愛你」。
39.吵架到白熱化時，終極降溫彈是「攬住你」。
40.想打圓場，男方不妨笑著講聲「對不起，是我做錯了」。
41.不論男方或女方，其中一方 EQ 至少比對方高半級。
42.要好好調節大家的生活時差。
43.同居第 43 式——「隱身術」，懂得在適當時候表現自己的存在；不適當的時候立即隱身，切忌在風頭火勢下，在另一半面前遮遮掩掩，不停發問題。
44. 和女強人同居，男的切忌過分小鳥依人；和「小鳥依人」同居，男的更不應軟弱無能。
45.同居不一定要晚晚同房同床，偶爾給對方一點距離，有助將感情拉近。
46.家中鏡子要放在二人都可照到全身的位置，不能出現男女不平等，男照到頭，女照不到腳的情況。
47.一個人一雙手沒有可能把所有家務都做得妥妥當當，自己看不過眼，便不妨自己大方些去做好另一半做不好的家務。
48.女方不時給男方四萬的笑容，勝過以千金贈情郎……（尤其在月尾時！）
49.既然同居，性生活不能忽視，也不能視性生活是理所當然。保持性生活的新鮮感是需要的，性生活也需要練習合拍才能達至無懈可擊的床上快樂生活。
50.冬天皮膚嘴唇乾燥，男友最好先剃鬚才錫錫 。

What man says...

續上篇...

What Man Says:
1.同居是分享，不是分家，在小事上，譬如幾毫子的數，便不要斤斤計較。
2.屋租水電洗衫飲飲食食的洗費，除非事先講明由男人全包，否則人人夾一份，無論大份細份，還是 AA 制，大數目一開始便要清清楚楚，免生爭拗。
3.吵架時不要口口聲聲叫人搬走，後果可能一發不可收拾。
4.另一半去夜街，最好事先知會一聲，免得一時情急，報錯警。
5.帶朋友回家，最好事先知會一聲，讓另一半有時間執好間屋，又或者選擇留低或迴避。
6.每星期，甚至每日都要打電話返自己屋企，每個月最少有幾天返自己屋企食飯，要加倍關心家人。
7.如果另一半是儲物狂，兩人便要坐低慢慢傾，地方是共用的，不能太霸道。
8.如果另一半是購物狂，兩人更加要坐低慢慢傾，如果想換大屋、結婚、組織一個真真正正的家庭，除非你是富家子弟，現在便不能太揮霍。
9.同居不等於無私隱，如非必要，不要替對方拆信，聽電話，覆 email，甚至代對方發言。
10.男性的私隱還包括︰女人不要特登翻箱倒籠去搵男人珍藏的寫真集及 AV。就算「唔覺意」見到，都不要大驚小怪。
11.不要摷女人手袋，更不要摷女人抽屜。
12.人人品味嗜好不同，遇著自己喜歡的東西，亦不要勉強另一半接受。
13.同居意味兩人相處的時候多了，很多懷習慣將會無所遁形︰咬手指、亂發脾氣、大懵失魂、身材走樣……，除了「激勵」對方一改陋習外，更要記住「愛屋及烏」，看開一點。
14.無論兩個人幾夾，taste 都可能會不一樣。同居就是要學習互相遷就共融。
15.無論你有多不願意見家長，都要尊重對方的家人。兩個人同居，預了要見家長。
16.無論發幾大脾氣，都不可以掟東西，小至一個水杯，大至一迎張摺椅暴力，無論大小，都好恐怖。
17.無論發幾大脾氣，都不可以打女人。女人咬男人還可以接受，但最好事後識做，呵番！
18.記得另一半生日，利用屋企地形裝置佈下重重驚喜，精心炮製心形牛扒燭光晚餐，好過花一千大元去高級餐廳。
19.同居切忌習慣成自然，對多幾年，一日悶過一日，愛情好易自然流失。
20.女人對自己身材的變化天生敏感，女性更會當朝見口晚見面的另一半是一面鏡子。作為同居蜜友，有時候要懂得做一塊只會說「你最靚」的魔鏡，讓她在無壓力的情況下客觀地注意自己的體重。
21.性生活不能太頻密，亦不能太疏懶。
22.大男人主義在同居生活不適用，同樣，過份小男人亦會使另一半懷疑自己有沒有揀錯。
23.組織二人「政府」，共同立法執法行政，財政獨立，一個管外交，一個管內政，互相鼓勵，不妨每年發表施政報告，年終同居大事回顧，讓這段同居關係更加充實。
24.吵架的時候，男人盡量保持沉默，待女人冷靜後，才和她講道理。90% 女性都會在冷靜之後承認自己脾氣差。
25.不要令同居變成一潭死水，大家都要有進步，這樣同居才有意義。
26.給大家多一點空間。無論是識朋友的空間，還是儲物的空間。
27.男人不能把同居蜜友當成是妻子，一日未結婚，同居蜜友仍然是同居蜜友。
28.家務不一定要由女人來做，男人亦不應以「這都是家庭主婦的工作」來推卸責任。
29.二人共處一室，有人放屁對方一定知，但是放屁唔一定要認，這樣一個說有一個說無，尷尷尬尬，推說是喵咪口臭，放屁便成為了同居的小情趣。
30.任何一方財政走下坡，大家要互相鼓勵，不要互相抵譭。
31.同居容易有惰性，如「夜晚唔願，朝早唔願起身」。同樣，同居容易激勵對方，如一個早起身，另一個都會唔好意思得太晏。正所謂「近朱者赤、近墨者黑」。
32.間中一齊早起身煮早餐，一早有個好開始。
33.要學識煲湯煮幾味，「煮飯仔」是同居的生活調劑。
34.同居前要想清楚，忌與之前的生活比較。吵架的時候，更不要用「和你同居，我覺得好委屈」做彈藥，對方（尤其是男性）會好 hurt。
35.男人不願受束縛、監視，不宜結婚，更不宜同居。
36.請勿騷擾另一半入睡。如另一半的鼻鼾聲擾人清夢，臨時的解決方法是出廳，長遠計最好還是去看耳鼻喉專科。
37.有心事，不要收收埋埋，朝見口晚見面，大家挑通眼眉一定知，要坦白。
38.偶爾放大家一天假，透透氣。各自去見見自己的朋友，做些讓自己愉快的事，refresh 一下。
39.正在使用的洗手間或浴室，是私人禁地，除非有 pass，否則非請勿進。
40.廁紙用剩一格時，要為對方設想，開定一卷新廁紙下一位用。
41.如果鄰居臭味相投，不妨做個好朋友，多一個照應，就算三缺一，無帶鎖匙，借油借鹽借貓沙都較方便。
42.交租，交水電煤氣費都要準時，免得沖涼沖到一半無水無電。
43.不懂得分享的男人，不宜同居，更不宜戀愛。
44.若有單身異性朋友單獨到訪，切記要事先知會對方，以避免不必要的誤會。
45.為激烈吵架及真的發生火災時做好準備，預備好「求生用品」、計劃好「逃生路線」、不妨有時進行「火警演習」。
46.工具箱、急救箱、日用補給物資要妥善存放，不要亂放，確保大家都知道各種物品的擺放位置，用完要有手尾放回原位。
47.萬一不幸分居，亦要有君子氣量，執好行裝，好來好去。
48.如果大家都想結婚，便要訂下進程表。一旦同居生活成為習慣，便會懶得去計劃將來。
49.對另一半的男性朋友，態度要客觀，要相信能夠成為另一半的朋友，總有他們特別之處。你看不到，只是你對她的朋友未夠瞭解。
50.戒妒忌，男人要有大將之風，小心眼，容易轉牛角尖，疑神疑鬼，只會令本來甜蜜蜜的生活變得又酸又澀。

後記︰第 101式常懷感激之心

感激我們沒有生於戰亂中，感激我們吃得溫飽，感激我們沒有生離死別的悲痛，還有甚麼好得過像現在兩個人在一起，你照顧我，我照顧你？

FAV ONLY

在這邊寫BLOG, 最不習慣就是貼圖, 以前OD和PHOTOBUCKET有連繫, 很方便, 貼貼LINK就可以了. 而這邊貼圖卻要每一張都要上載一次, 而大小左右選了後, 又不可以隨便改變. 但往往我貼了圖就影響了我文字的排版.

我對這點其實是蠻執著的, 所以往往又要花一點時間令它們看上去整齊一點, 而那個預覽都不準確的.

還有, 這邊不能打小秘密跟小八掛, 我怕有人會知道 =P

所以我還是會回OD打日記打秘密, 一些事情我還是只想和MY FAV OD人分享呢~

這邊最好的優點是你修改幾多次都好, 都不會有笑瞼迎人的亂碼. XDDDD

跳舞場

昨晚, 因一些事情, 令我在很急趕的情況下才到達ccdc.

第2堂的進度比第1堂還要快, 不過舞步是完全不同的.

伸展, 平衡, 小跳

我和另一同學被罰留堂......>.<

小事

*晚上和money, ling在廣東道吃韓燒, 因為我要9點再返舖開會, 結果在那九十分鐘不停地燒燒燒吃吃吃, 好趕>.<

*ling會在11月結婚, 找了我當姊妹, 我問她我要負責甚麼? 因為我未做過 ^^ 負責幫佢換衫, 扮靚~ 哈哈

*下星期會陪她到婚紗店試身, 好緊張, 我怕幸福氣氛會令我突然"恨嫁"起來 XDDD

*我唔要爛桃花呀! XD

*上次佢地打邊爐留下的6罐藍妹, 阿媽見到又留下一大篇論文比我, "唔好帶男仔返屋企呀!... 唔好比人呃呀!...."

*都叫佢地拎走架啦, 又搵著我黎煩 >.<

*屋企仲有好多月餅.......好多月餅.......

*聽日第2堂跳舞, 上個星期學完既都忘記得七七八八, 因為無時間去練習過, 更大可能係懶.

*知道左有70X可以返屋企, 唔會再搭火車, 跳完舞再企半個鐘先到屋企, 我會暈.....XD

*夜晚係舖玩ROLE PLAY, 我都知我一定會比阿姐選做SALES, 做成點?? 有好多改善地方 =P

*成晚印象最深既一句 "呢個佢做耐D一定得", 阿姐又會係我既伯樂嗎?

*AM和女友分手了, 那個他想和她結婚的人選擇離開了.

*從報紙上的看到大浪灣那個小公園, 令我想起一段回憶. XD

追月

尋晚有人話未見過"碌柚燈籠", 然後我好疑惑....唔通新界既小朋友先有玩過?? 今日返工問同事們有無見過玩過, 香港區代表同新界區代表都有, 哈哈, 可能就係九龍區既小朋友未玩過 XDXDDDD

hotpot nite

其實尋晚本應唔係同佐敦hotpot, 係同Y班朋友hotpot, 無啦啦話上我度, 攪到我要推左果邊, 我覺得好唔好意思.........雖然Y話唔介意, 下次大把機會, 始終暫時甩底都係我既問題 >.<

因為得我一個放假關係, 我自己要包辦諗, 買, 洗既步驟. 對一個平時去街市只行生果檔與菜檔既我黎講, 係一個挑戰! 今次有人指明要食蝦, 包心丸, 即係我要去凍肉舖同埋魚檔, 買丸都算順利, 見人地點執我又迫入去執, 執左一大袋雜丸都係 $42, 原來街市真係平D! 之後去魚檔, 行左2步已經知我唔應該著拖鞋去......望到蝦幾生猛就買左一斤 $38, 我比$100佢找, 找返黎既錢有血同魚鱗, 我拎住諗點放好呢??? 結果放左落買菜個袋度先算.

返到屋企將d污濁錢拎去浴室過水, 然後再比d蝦去游水, 點知s.hang話蝦係用咸水, 淡水會死, 你放落雪櫃好過. 我仲諗佢地游水都幾生猛, 點知係爭扎呢........

未齊人佢地又肚餓, 我不停推銷我d月餅比佢地食, 佢地凍食嘉麟樓既......等到1點先齊人打邊爐, 係廚房打邊爐, 哈哈, 夾完又出返廳食, 但原來我屋企無豉油 =P

佢地幫我洗埋碗先走, so nice........^_^

沖埋涼又係4點訓...

b'day pig!

而家生日已經係唔興食cake, 要食pig先係潮流~ 哈哈

在廚房迎月

今晚即慶地佐敦之友在我家廚房打邊爐和迎月, 打到3點佢地走曬, 留下很多菜和蝦, 仲有藍妹......>.<

好眼訓, 聽日補打~ XDDD

baileys+冬菇

尋晚pinky提早慶生日派對, 我7點放工後便到水云莊邊做腳底按摩邊等他們放工, 右腳很多穴位都是10級痛, 痛到忍唔住叫師傅輕力點, 左腳其實都痛, 只是我還可以忍受便算了. 跳舞既後遺症真犀利!

9點半先和他們到阿士厘道吃越式湯河, 吃飽飽之後才上去. 全晚只是喝了3杯baileys, 吃了數件乳豬, 因為很累......2點半走時, 他們卻還要到大角咀吃油渣麵, 呆, 我只吃了冬菇 >.<

結果4點回家, 5點才睡. 幸好今天休息....

這就是我

.

那個9%是邪惡......哈哈 XDDDDDDDD

******

哈哈, 咩係"阿莎力"????

******

測驗無話準唔準, 不過玩完會會心微笑果種啦~

成份分析機

汗水

尋日準時3點上到hair do, 剪完treatment完再拉直, 走的時侯已經7點20分. 埋單超貴, 因為我買了的shampoo和treatment差不多已經是整一次頭的價錢, 不過1000ml應該夠我用很久了 =P

坐得屁股超累喔! 然後去渣甸街買個茨飯走炸菜邊走邊吃, 畢竟我只有半小時要由銅鑼灣到達黃大仙, 而我只是在早上吃過牛奶粟米片作早餐.

抵達ccdc剛好8點05分, 心情有點像初中開學, 對陌生環境有點迷茫, 找課室等上堂, 但身旁的女生總是很輕鬆的做拉筋熱身, 不同的是她們是學習芭蕾舞......她們真的是穿那些低胸紗裙配絲襪芭蕾舞鞋呢. 我學現代舞只是背心配運動褲就可以啦! 但我忘了帶一樣最重要的東西.......XDD

原本8點15分開始的課堂, 遲了10分鐘開始. 入班房放低袋後便隨意找個位置站, 我企在前排, 因為我想睇清楚自己跳舞的樣子, 哈哈! 後來發現跟本無時間望鏡望自己 =P

站好後, 老師便開始話好, 大家彎腰手掌要到地! .......下.......咁快.......骨頭硬如我當然手指到地也有難度, 偷偷地望其他同學, 有一半都可以?!?! 初級班?!?! 之後壓腿又痛到我不得了, 然後轉身又做唔到, 跳得最好就是扶bar青蛙跳, 因為我彈得起彈得高, 其他就.......哈哈

開始時抱住興趣班的心態參與, 誰不知原來是要很認真參與的活動, 大家都很認真學每一個step.

不過我喜歡那種慢慢流汗, 全身血液都在運行的感覺. 今天起床全身骨頭很痛喔! 特別是我的一雙腿, 上班時還要不停行樓梯上上落落, 累死了.

那天忘記帶的是水樽, 還有聽說黃大仙有巴士回上水, 真的嗎?

理財顧問振作喔!

跳舞回家後一直開不到msn, 所以便先逛逛友人們之日記.

但當我看到今日Y所寫日記先是有點愕然, 因為他在我心中一直是一個樂觀的男生, 這次他似乎被情傷了......平常很少機會能從他的文字中找到失落的痕跡, 但他的一字一句都令我有點兒擔心, 知道他不想被打擾, 但我還是忍不住發了個短訊給他, 慰問一下. 希望他能早日振作起來!

認識他4年, 過去相識在OD, 現在他是我的理財顧問.

點醒自己

• 因為同事突然的提醒, 決定把大假推前至29/10-4/11期間, 避免11月尾是減價時期.
• 究竟去東去西定去北? 東照宮, 京都, 台北......
• 嘉麟樓月餅被我放入微波爐叮熱後, 一拎上手未放入口已經碎裂....有點兒失望.
• 今晚開始我會少了一個朋友, 令我又是時候重溫一下 "帶眼識人 唔好心軟" 呢八個字.
• 蝕底左之後, 而家要止蝕.
• 好怕人斤斤計較, 朋友是互相支持嘛!
• 明天約左3點CWB剪頭髮, 好早起身喔!!!.....
• 而家仲未執野聽日去上跳舞班, 其實要帶D咩去架?
• think +VE !!

小事

回到家看到餐檯上我放置家用的信封還在, 明天他們便出發去旅行了!

哪究竟我11月能否成行呢? 台灣機票$1800, 東京機票$3800, 這個差距令我有點兒卻步, 畢竟二仟塊我已經可以用來訂房間了......

星期三就是我的第一堂跳舞了, 有點兒緊張呢~

今天取了嘉麟樓的月餅了!! =P 不過還未開始品嚐, 試食後再寫感想吧 ^^

大字報

今日返工, 我個locker比阿姐貼左大字報:

my dear,

can i ask you when will you come back???

字條下面係尋晚張埋數紙, 條數錯左......

我望坐張紙諗左陣, 我返1130阿姐無理由唔知架....但諗諗下"back"呢個字對於我地有第2種意思, 佢係問我幾時返, 不過唔係問我個肉身, 而係問我既靈魂, 我應承過佢 " i'm back!!! ", 所以我每次做錯事, 佢都會問我究竟係bad定back.

講真, 有壓力架! 都會覺得佢對我特別嚴謹架, 不過佢對我有期望嘛! 所以我返工要打醒二十分精神, 唔好行差踏錯呢~

識食又識肥

今早9點半被CITI BANK嘈醒, 可唔可以唔好咁早COLD CALL呀??? 在床上隱約聽到雷聲雨聲, 心諗又係放假先落雨?! 放假可唔可以出太陽呀? 無街去都唔代表要落雨架.......

下午媽咪拎左盒冰皮月餅比我, 我下午TEA食左半個, 訓醒晏覺再食埋果半個, 一日一個仲唔肥死....... 下星期二再可以拎埋嘉麟樓既月餅, YUMMY YUMMY ! 都係果句食埋先減啦~

下午無所事事拎返無玩成年既NDS出黎玩, 好明顯入面既GAMES係唔好玩. 個個都有既孖寶兄弟, 我無, 人地COOKING MAMA玩第2代, 我仲得第1代........呢個就係我想將佢送走既最大原因 XD

然後想起媽咪早幾日留下的字條, 叫我記得7/9去投票"一票都不能少". 我上屆係有去投票, 至於投邊個我已經忘記左, 今屆我連有幾多個新界東侯選名單, 有幾多個議席都未清楚, 所以我拆開政府寄比我而我放左係檯好耐既侯選人簡介睇, 嘩.......10張名單, 共29個人.......有金執?

我最想講陳克勤: 呢位先生係尖東火車站既廣告真係YOUNG到暈, 但我而家睇會覺得貨不對辦. XDDD

有時間我今年都會投票! (結果無去到.....不過陳生既try my breast已經成為經典......)

P.S.同埋睇長毛既簡介知道議員月薪4萬, 唔怪得搶住做啦 =P

我要探險去 =P

昨晚的壞心情隨著我一覺訓醒已經變好, 我就是有這種自我催眠的能力 =P 昨晚本來有其他事情想寫, 但被他破壞了, 忘掉了~

最需要記下的是: 我可以在11月份拎4日大假, 如果連多2日例假的話, 我可以放最多6日假. 好想好想去旅行, 之前朋友說過年尾跟我一起旅行, 我也不知道他是否戲言.

哪我應該自己去旅行嘛? 哪目的地呢? 心中最想去的當然是日本, 如果真的自己出發的話, 我想遊京都呢~ 不過其實自己又想shopping, 東京都.........因為其實上次主要都係逛新宿, 我想去南青山, 吉祥寺, 下北澤, 中目黑喔!!!!!! 又雖然上次一起去日本的朋友叫我下年5月再戰東京, 但我又真係想去休休閒閒咁逛街同食野.

首要事項: 格價! 預算一下去定唔去 =P

晚上回家看到媽咪留下字條, 她下星期和爹地一起去以色列旅行呢~ 我在想遲些爹地退休的話, 他們去旅行的次數應該會更頻密了.

11月日本會唔會有雪? 這個大假完全係我掌握之外......台灣, 泰國.......

另外, s.hang會繼yuki之後10月去我隔離間古馳度做, 感覺好得意, 我地變左廣東道之友 =P

不快樂的晚上

回家開MSN收到TY的msg,

MavericK 說: 我好多時想起你
MavericK 說: 真心抱歉
MavericK 說: 我欠你太多
MavericK 說: 心好想你
RaCheL... 說: 多謝
MavericK 說: 求你原諒
RaCheL... 說: 過去左就過去左
MavericK 說: 我地重新做朋友可以嗎
RaCheL... 說: 唔可以
MavericK 說: 明白
MavericK 說: 請忘記認識過我吧
RaCheL... 說: 唔會忘記到
MavericK 說: 以後陌路人
MavericK 說: why an't forget me ?
RaCheL... 說: 發生過無可能當無發生過
MavericK 說: ok
.............

睇完覺得佢好假, 我從來無感覺過佢對我有"抱歉"之意. 還記得當時分手, 我還要俏俏地改手機號碼來避開他, 我怕自己心軟. 他...............

我可以寫他很多很多的事, 我唔講唔寫, 唔代表我在乎他, 事實係我想為自己保留著一點尊嚴, 因為我知我就算講比任何一個人知, 他們最真的反應是會傷害我的.

我現在的快樂, 其實源於過去的不快.

..................
MavericK 說: so u still miss me ?
RaCheL... 說: 無
MavericK 說: ok
MavericK 說: pld delete me
RaCheL... 說: 無必要
MavericK 說: but i want to
RaCheL... 說: 你點做我唔由我控制
MavericK 說: can u delete me also
RaCheL... 說: 無必要
MavericK 說: 想點呀
MavericK 說: 甘又唔係
MavericK 說: 算吧
MavericK 說: 一早應當冇相織過
MavericK 說: bye

AOYAMA DIARY

今日上班前特地到HMV買了AOYAMA DIARY, 回家急不及待把它放入唱盤.
除了慢歌還有快歌, 暫時最搶耳既係1,2,11,13, 唔識日文既我唯有拎住份中文歌詞感受下佢唱咩!


<何度も> 另一首我好喜歡她的歌

另外, 我登記左佢音樂會既抽獎, 一個"先到先得"既抽獎 =P

27/9 6:30 kln bay

如果抽中, 我會同阿姐講早走啦! 收7點邊會趕得切, 雖然都係有生命危險, 因為佢會覺得我顧住玩唔認真返工, 不過.......機會唔係時時有嘛!

桃紅色法式

前日才整的gel nail, 阿姐話太紅, 無開口要我整過既, 不過為左工作順順利利, 已經book左星期二放假再整, 之後再去搵kaze剪頭髮, 轉形象! =P