~嘔~

10號晚一大班舊同事同s.hang提早攪生日!!
佢又話收2030, 我收1900,
結果2130先放工出門口,都唔知咩公司黎架!!!
我等佢等到就黎餓死 >.<
如果唔係佢再加佢生日, 我應該見面會話佢囉!
雖然我都明佢都唔想留低 XPP
然後8個再去左東京銀座斜對面間"佳記茶餐廳"食晚飯先,
嘩.........雖然我同s.hang都勁肚餓, 不過間野真係水準以下囉!!
特別係"雞"同"飯"...........
.....唉.........攪到要再叫奶油多+奶醬多醫肚!

因為壽星仔要未飲到面紅先肯影相既關係,
一開始就不停影,而其中我地有一個無出席既女同事係好"mk港女"feel,
突然間影左好多張港女扮cute既豬咀單眼相, 哈哈,大家都好好笑 XDDD
因為我知要送s.hang返屋企再加上我唔識玩同唔飲得,
3點半之前我都係飲左1杯wiskey coke, 然後因為好多人開始走,
我比jerry叫埋去一齊玩,唔使半個鐘我已經唔得左 @_@***

4點半上的士我仲醉過佢, 哈哈!
送完佢返大埔再返上水都成5點半,落車已經發現自己行唔到直線 XPP
搭lift上果刻已經想嘔, 到10樓開始頂唔住,
但因為諗到要清潔會麻煩到別人,死忍到返屋企,
一關門已經衝入廁所嘔,
pop仔可能聞我個身勁臭加嘔味,
佢呆左咁企係廁所門口眼碌碌望住我 ^^

嘔完就上床訓覺, 好辛苦呀!
好彩放假, 如果唔係我一定會呆呆下